Ekonomiese aspekte van pypleidingvervoer: 'n Suid-Afrikaanse perspektief

• Main Author: Wessel Pienaar
• Format: Article
• Language: Afrikaans
• Published: South African Journal of Science and Technology 2009-09-01
• Series: South African Journal of Science and Technology
• Subjects: Gemiddelde veranderlike koste; kostestruktuur; ekonomiese evaluering; omvangsvoordele (ook verskeidenheidsvoordele); digtheidsvoordele; skaalvoordele; omhulselkromme; langtermyn-gemiddelde koste; lang-termyn-grenskoste; grenskostebeprysing; natuurlike
• Online Access: http://www.satnt.ac.za/index.php/satnt/article/view/53

Daar bestaan ’n sterk moontlikheid dat daar binne die volgende dekade drie pypleidings vir die kommersiële vervoer van brandstofprodukte van Suider-Afrikaanse hawens na Gautengprovinsie aangelê gaan word. Omdat pypleidingvervoer (1) die energiedoelmatigste vervoermodus is, (2) aansienlik goedkoper is as pad- en spoorvervoer, (3) heelwat veiliger is as spoorvervoer en veral padvervoer, (4) pad- en spoorvervoer- en infrastruktuurkapasiteit vir ander verkeer beskikbaar stel, en (5) minder onverhaalde eksterne koste (soos lugbesoedeling, geraas en verkeersophopings) as ander vervoermodusse tot gevolg het, behoort pypleidingvervoer (onderhewig aan grondige ekonomiese evaluering) as ’n bykomende vervoermodus tussen tenkwerwe in Suid-Afrika oorweeg te word. In die lig van die besondere uitdagings wat die beplanning, aanlê en doeltreffende bedryf van groot pypleidings verg, word in hierdie artikel ’n oorsig gebied van die resultate van ’n ondersoek na die ekonomiese aspekte van die kommersiële vervoer van petroleumkommoditeite per pypleiding. Die potensiële waarde van die navorsing lê hoofsaaklik in (1) die voorgestelde raamwerk vir die ekonomiese evaluering en beplanning van nuwe pypleidings, en (2) die riglyne vir die beprysing van die kommersiële vervoer van petroleumkommoditeite per pypleiding. Daar word in die besonder aan die volgende aspekte van die kommersiële pypleidingvervoer van petroleumkommoditeite aandag gegee:<br /><ol><li> relatiewe doelmatigheid, </li><li>ekonomiese beplanning, </li><li>markstruktuur en eienaarskapspatrone, </li><li>kostestruktuur, en </li><li>die doeltreffende beprysing van die dienslewering.</li></ol>