Summary: | Nos últimos anos o xénero negro acadou un notable alcance comercial e institucional na cultura galega, a través, sobre todo, de narrativas literarias. As novelas de Domingo Villar, Pedro Feijoo ou Francisco Castro conseguiron un considerable éxito comercial e contribuíron á popularización da narrativa de entretemento, con narracións de suspense. Todas elas seguen un recoñecible patrón, a partir dunha mesma cartografía literaria (Vigo e a súa contorna). Este artigo pretende, xa que logo, analizar a configuración da novela negra e a construción de xeografías literarias específicas, tendo en conta os mecanismos de mercado e institucionais no campo cultural galego e o comportamento intersistémico das obras que serán obxecto de estudo.
|